Khit Thit သတင်းဌာန၏ ဇန်နဝါရီ ၁၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၂ ရက် ညနေပိုင်းတင်ဆက်ပေးမယ့်သတင်းတွေကတော့ - မင်းအောင်လှိုင် အပါအဝင် စစ်အာဏာရှင်တွေကို ဒီမိုကရေစီအင်အားစု ၊ တော်လှန်ရေး အင်အားစု တွေနဲ့ လက်တွဲ တိုက်ပွဲဝင်သွားမယ်လို့ TNLA ကနေ ဒီကနေ့ ဇန်နဝါရီလ ၁၂ ရက်နေ့ တအာင်းအမျိုး သားများရဲ့ နှစ် ၆၀ ပြည့် အမျိုးသားတော်လှန်ရေးနေ့အဖြစ် ကြေညာလိုက်ပါတယ်။ - မကွေးတိုင်း၊ ရေစကြိုမြို့နယ်က စစ်ကောင်စီလက်အောက်ခံ လ၀ကရုံးကို ဒီကနေ့ ဇန်နဝါရီလ ၁၂ ရက်နေ့မနက်အစောပိုင်းမှာ PDF တပ်ဖွဲ့တွေက ဝင်ရောက်စီးနင်းတဲ့အချိန် လ၀က ဝန်ထမ်း ၄ ဦးကို ဖမ်းမိပေမယ့် CDM ဝင်ဖို့ ပြောဆိုပြီး လွှတ်ပေးလိုက်သလို ၊ မြို့နယ်လ၀ကရုံးတစ်ခုလုံးကို မီးရှို့ ရှင်းလင်း လိုက်တယ်လို့ ရေစကြိုမြို့နယ် ပြည်သူ့ ကာကွယ်ရေးတပ်ဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကိုပြောပါတယ်။ - မွန်ပြည်နယ်၊ ရေးမြို့နယ်မှာ ဇန်နဝါရီလ ၁၁ ရက်နေ့က အကြမ်းဖက် စစ်ကောင်စီတပ်ရဲ့ ဒုစရိုက် နှိမ်နင်းရေး ခေါင်းဆောင် ဒုရဲမှူးလှိုင်မင်းသန့် ဆိုသူကို ရေးပြောက်ကျားတပ်ဖွဲ့ YGF ကနေ တိုက်ခိုက် ရှင်းလင်းလိုက်ရာမှာ သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
