Khit Thit သတင်းဌာန၏ ဇန်နဝါရီ ၁၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၂ ရက် မနက်ပိုင်းတင်ဆက်ပေးမယ့်သတင်းတွေကတော့ - မြန်မာခရိုနီ စစ်လက်နက်ပွဲစား ထွန်းမင်းလတ်နဲ့ သူ့ရဲ့ကွန်ရက်ကို မူးယစ်ဆေးဝါး ရောင်းဝယ်ဖြန့်ချိမှုနဲ့ စီးနင်း ဖမ်းဆီး ရာမှာ စစ်ခေါင်းဆောင် မင်းအောင်လှိုင်ရဲ့ သားဖြစ်သူ အောင်ပြည့်စုံ ပိုင်ဆိုင်မှု အထောက် အထားတွေနဲ့ သမီးဖြစ်သူ ခင်သီရိသက်မွန်ရဲ့ ဘဏ်စာအုပ်တွေကို ထိုင်းရဲတွေက တွေ့ရှိခဲ့ပါတယ်။ - ရန်ကုန်မြို့၊ တာမွေမြို့နယ်၊ တာမွေကြီး (က+ခ) ရပ်ကွက်၊ ၁၆၂ လမ်းမှာ တရားမဝင်ရွေးကောက်ပွဲအတွက် လူဦးရေစာရင်းကောက်ခံနေသူတွေကို ဗုံးပစ်တိုက်ခိုက်ခဲ့တယ်လို့ Freeland Attack Force – FLA အဖွဲ့က ပြောပါတယ်။ -ချင်းပြည်နယ်၊ ချင်းအမျိုးသား တပ်ဦး CNF ဌာနချုပ်ကို မနေ့ညနေပိုင်းမှာ ဒုတိယအကြိမ် စစ်ကောင်စီက တိုက်လေယာဉ်နဲ့ ဗုံးထပ်မံကျဲချခဲ့တဲ့အတွက် နီးစပ်ရာရွာတွေက လူနာတွေကို လက်ခံကုသပေးနေတဲ့ ပြင်ပလူနာဆောင်အပါအဝင် လူနေအိမ် အချို့ ထိခိုက် ပျက်စီးခဲ့တဲ့သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
