Khit Thit သတင်းဌာန၏ ဇန်နဝါရီ ၁၁ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၁ ရက် မနက်ပိုင်းတင်ဆက်ပေးမယ့်သတင်းတွေကတော့ -အိန္ဒိယ-မြန်မာနယ်စပ်က ချင်းအမျိုးသားတပ်ဦး (CNF/CNA) ဌာနချုပ်ကို စစ်ကောင်စီက တိုက်လေယာဉ်နဲ့ ဗုံးကျဲခဲ့တာကြောင့် တော်လှန်ရေးရဲမေ ၃ ဦး၊ ရဲဘော် ၂ ဦး စုစုပေါင်း ၅ ဦးကျဆုံးခဲ့ပြီး ဒဏ်ရာရရှိသူ များပြားခဲ့တယ်လို့ ချင်းတော်လှန်ရေးတပ်ဖွဲ့သတင်းရင်းမြစ်တွေဆီက သိရပါတယ်။ - စစ်ကိုင်းတိုင်း၊ မြောင်မြို့နယ်မှာ အကြမ်းဖက်စစ်တပ်နဲ့ ဒေသခံကာကွယ်ရေးတပ်ဖွဲ့တွေ ၂ ရက်ဆက် တိုက်ပွဲ ဖြစ်ပွားပြီး စစ်တပ်ဘက်က အရာရှိ ၁ ဦးအပါအဝင် ၂၀ ဦး သေသွားတယ်လို့ CDSOM အဖွဲ့ တာဝန်ရှိသူ တစ်ဦးက ရန်ကုန်ခေတ်သစ်မီဒီယာကို ပြောပါတယ်။ - အကြမ်းဖက်စစ်ကောင်စီကို တော်လှန်နေတဲ့ " NUG အစိုးရဟာ လေလှိုင်းထဲက အစိုးရ မဖြစ်စေရဘူး " လို့ ယာယီသမ္မတ ဒူဝါလရှီးလ က ကတိပြုပြောဆိုပြီး တိုင်းရင်းသားလက်နက်ကိုင်တွေဆီက အကူအညီတွေ ရရှိထားတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
