Khit Thit သတင်းဌာန၏ ဇန်နဝါရီ ၁၀ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၁၀ ရက် ညနေပိုင်းတင်ဆက်ပေးမယ့်သတင်းတွေကတော့ - စစ်ကိုင်းတိုင်း၊ ရွှေဘိုမြို့နယ်၊ အနောက်ခြမ်းမှာရှိတဲ့ သီးလုံးကျေးရွာက ပြည်သူတွေအတွက် အတွင်း သတင်းပေး လုပ်ဆောင်ပေးနေတဲ့ ပျူစောထီး အဖွဲ့ထဲက ဖရဲသီး မိသားစုဝင် (၈) ဦးကို ဇန်နဝါရီလ ၈ ရက်နေ့က ပြည်သူ့ကာကွယ်ရေးတပ်ဖွဲ့တွေကနေ ကယ်ထုတ်ခဲ့တယ်လို့ Snake Eyes – LPDF ရဲ့ တာဝန်ရှိသူ ၁ ဦးက ရန်ကုန်ခေတ်သစ်ကိုပြောပါတယ်။ - တနင်္သာရီတိုင်း လောင်းလုံးမြို့နယ်မှာ ဇန်နဝါရီလ ၉ ရက်နေ့က လက်နက်ကိုင် စစ်မှုထမ်းဟောင်း ပျူစောထီး အဖွဲ့ဝင် ၁ ဦးကို လောင်းလုံးမြို့နယ် ပကဖ အဖွဲ့ကနေ ပစ်ခတ်ရှင်းလင်းရာမှာ နေရာမှာတင် ပွဲချင်းပြီး သေသွားတယ်လို့ လောင်းလုံးမြို့နယ် ပကဖ အဖွဲ့ဆီကနေ သိရပါတယ်။ -တနင်္သာရီတိုင်း၊ ထားဝယ်မြို့နယ်၊ ရေဖြူမြို့နယ် နဲ့ ရှမ်းပြည်နယ်၊ ရပ်စောက် မြို့နယ်တွေမှာ စစ်ကောင် စီ တပ်သား ၂၅ ဦးထက်မနည်း ထွက်ပြေးမှုဖြစ်ပွားပြီး ၊ အချင်းချင်း ပစ် ခတ် မှုတွေလည်းဖြစ်ပွား ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
