မြန်မာပြည်တွင်း အိုးအိမ်စွန့်ခွာ ထွက်ပြေးရသူ ၁ သန်းခွဲကျော်ရှိနေ BY ရန်ကုန်ခေတ်သစ် -စစ်တပ်က အာဏာသိမ်းပြီးနောက် အကြမ်းဖက်တိုက်ခိုက်မှုတွေနဲ့ လုံခြုံမှုကင်းမဲ့တာတွေကြောင့် အိုးအိမ်စွန့်ခွာ ထွက်ပြေးရသူ ၁ ဒဿမ ၅ သန်း လောက်ရှိနေပြီလို့ UNOCHA ထုတ်ပြန်ထားပါတယ်။ လာမယ့် ၂၀၂၃ ခုနှစ်အတွင်း လူပေါင်း ၄ သန်းခွဲလော က်အတွက် အရေးပေါ်အသက်ကယ်ဆယ်ရေးအကူအညီတွေ လိုအပ်လိမ့်မယ်လို့ ဆိုထားပါတယ်။ -မြေမြှုပ်မိုင်းတွေ၊ သွားလာခွင့် ပိတ်ပင်တားဆီးတာတွေ၊ လူသားခြင်းစာနာမှု လုပ်ကိုင်ဆောင်ရွက်တဲ့ ဝန်ထမ်းတွေကို ခြိမ်းခြောက်တာတွေကြောင့် လူသားချင်းစာနာမှု လုပ်ငန်းတွေကို အဟန့်အတားဖြစ်ခဲ့ရတယ်လို့ ပြောဆိုထားပါတယ်။ ဒါ့အပြင် အစိုးရမဟုတ်တဲ့ NGO အဖွဲ့အစည်းတွေနဲ့ပတ်သက်ပြီး တင်းကျပ်မှုတွေ ထပ်မံပြုလုပ်တဲ့တွက် အထောက် အကူ ပေးရေးလုပ်ငန်းတွေကို ပိုမိုခက်ခဲသွားစေတယ်လို့ UNOCHA ရဲ့ ထုတ်ပြန် ထားပါတယ်။ လွန်ခဲ့တဲ့ စက်တင်ဘာလအထိ အရေးအပေါ် အသက်ကယ်ဆယ်ရေး အကူအညီလိုအပ်နေတဲ့ လူပေါင်း ၄ သန်းလောက်ရှိပြီး၊ သူတို့အတွက် အကူအညီတွေကို ဆက်လက်လုပ်ဆောင်ဖို့ လိုအပ်တယ်လို့ပြောဆိုထားပါတယ်။ ၂၀၂၂ ခုနှစ်အတွင်း လူသားချင်းစာနာမှု တုန့်ပြန်ဆောင်ရွက်ရေးအစီအစဉ် HRP အတွက် ရံပုံငွေ ၈၂၆ သန်း လိုအပ် တဲ့အထဲက ဒေါ်လာသန်း ၂၉၀ ပဲ ရရှိခဲ့တဲ့အတွက် ဒေါ်လာ ၅၃၆ သန်းလောက် လျော့နည်းနေခဲ့ပါတယ်။ လာမယ့် ၂၀၂၃ ခုနှစ်အတွင်း အရေးပေါ် အသက်ကယ်ဆယ်ရေး အကူညီလို အပ်နေတဲ့ လူပေါင်း ၄ ဒဿမ ၅ သန်းလောက်အတွက် ရံပုံငွေရရှိရေးဟာ အရေးအကြီးဆုံး လိုအပ်ချက်တွေဖြစ်တယ်လို့ UNOCHA က ဆိုထားပါတယ်။
