Khit Thit သတင်းဌာန၏ ဇန်နဝါရီ ၅ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၅ ရက် မနက်ပိုင်းတင်ဆက်ပေးမယ့်သတင်းတွေကတော့ -ကရင်ပြည်နယ် ကြာအင်းဆိပ်ကြီးက စစ်တပ် တပ်ရင်း ၃ ခု အတိုက်ခံရမှုကြောင့် စစ်တပ်ဘက်က သေဆုံးမှု များပြားနေတဲ့သတင်းတွေအပေါ် စစ်ကောင်စီက ငြင်းဆိုလိုက်ပါတယ်။ - ကရင်နီပြည်နယ် ဒီးမော့ဆိုမြို့နယ်က ပြည်သူ့ကာကွယ်ရေးတပ်ဖွဲ့ဖြစ်တဲ့ D.M.O PDF Drone တပ်ဖွဲ့က Drone ဗုံးသီးတွေကို ကိုယ်ပိုင်အောင်မြင်စွာ ထုတ်လုပ်နိုင်ပြီလို့ ပြောပါတယ်။ - စစ်တပ်ထုတ်ကုန်သပိတ်မှောက်လှုပ်ရှားမှုတွေမှာ ပြည်သူတွေပါဝင်ရေးအတွက် အမျိုးသားညီညွှတ်ရေးအစိုးရ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ဦးဆောင်ပြီး သပိတ်မှောက်ကမ်ပိန်းကို ဇန်နဝါရီလ ၄ ရက်နေ့ကနေ စတင်ကာ ပြုလုပ်သွားမယ်လို့ ထုတ်ပြန်ပါတယ်။ - အာဏာသိမ်းစစ်ကောင်စီဟာ ၇၅ နှစ်မြောက် စိန်ရတု လွတ်လပ်ရေးနေ့မှာ အကျဉ်းသား၊ အကျဉ်းသူ ၇,၀၀၀ ကျော် လွတ်ငြိမ်းပေးရာမှာ အရင်လွတ်ငြိမ်းတွေနည်းတူ နိုင်ငံရေးအကျဉ်းသား လက်တစ်ဆုပ်စာ အနည်းငယ်သာ ပါဝင်လာတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
