“အာဏာရူးကိုတော်လှန်တဲ့အထဲမှာ အမျိုးသမီးတွေကလည်း ကျရာအခန်းကဏ္ဍကနေ စွမ်းစွမ်းတမံ ပါဝင်လာကြတယ်။ ဒီလိုပါဝင်ခြင်းဖြင့် နောက်နောင်မှာ အမျိုးသမီးတွေအပေါ်မှာ ပိတ်ဆို့တားမြစ်ခံနေရတဲ့ အခွင့်အရေးတွေ အမျိုးသမီးတွေအပေါ်မှာ နည်းမျိုးစုံနဲဖိနှိပ်ချုပ်ချယ် အကြမ်းဖက်ခံနေရတဲ့ အရာတွေ အားလုံးကိုလည်း ဆန့်ကျင်ရာရောက်ပါတယ်။” အမျိုးသမီးစစ်သည်တော်တပ်ရင်း (မြောင်)အဖွဲ့ရဲ့ သတင်းနှင့်ပြန်ကြားရေး တာဝန်ခံ အမရာ နှင့်တွေ့ဆုံ မေးမြန်းခြင်း By ရန်ကုန်ခေတ်သစ် တစ်နိုင်ငံလုံးအတိုင်းအတာနဲ့ အကြမ်းဖက်ဖက်ဆစ်စစ်တပ်ကို ခုခံတော်လှန်စစ်ဆင်နွဲနေပါတယ်။ ရရာလက်နက်ကို ကိုင်စွဲပြီး တော်လှန်သူတွေထဲမှာ အမျိုးသမီးရဲဘော်တွေဟာလည်း ထိပ်ဆုံးကနေ ပါဝင်နေ တာဖြစ်ပါတယ်။ နေ့တိုင်းလိုလို တိုက်ပွဲတွေပြင်းထန်စွာဖြစ်ပွားနေတဲ့ စစ်ကိုင်းတိုင်းထဲမှာ အကြမ်းဖက် ဖက်ဆစ်စစ်တပ်ကို အမြစ်ဖြတ်ဖို့အတွက် တော်လှန်တိုက်ပွဲဝင်နေတဲ့ အမျိုးသမီးရဲဘော်တွေအကြောင်း ၊စစ်ဆင်ရေးတွေကဘယ်လိုရှိနေလဲ၊တိုက်ပွဲဝင်နေချိန်မှာ ကြုံရတဲ့ အခက်အခဲတွေ စိန်ခေါ်မှုတွေနဲ့ပတ်သက်ပြီး အမျိုးသမီးတွေနဲ့ဖွဲ့စည်းထားတဲ့ အမျိုးသမီးစစ်သည်တော်တပ်ရင်း (မြောင်)အဖွဲ့ရဲ့ သတင်းနှင့်ပြန်ကြားရေး တာဝန်ခံ အမရာ ကို ဆက်သွယ်မေးမြန်းထားပါတယ်။
