Khit Thit သတင်းဌာန၏ ဒီဇင်ဘာ ၂၇ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဒီဇင်ဘာ ၂၇ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - မွန်ပြည်နယ်၊ ရေးမြို့နယ်၊ ကျောင်းရွာဘက်ကို ဝင်ရောက်လတဲ့ အကြမ်းဖက် စစ်ကောင်စီတပ်ရဲ့ စစ်ကားကို ဒီကနေ့ ဒီဇင်ဘာလ ၂၇ ရက်နေ့ မနက်ပိုင်းက ရေးဘီလူး အဖွဲ့ကနေ ၀ိုင်းဝန်းပစ်ခတ် တိုက်ခိုက်ရာမှာ စစ်ကောင်စီတပ်သား ၂ ဦးသေသွားသလို ၊ စစ်ကားက မောင်းပြေးသွားတယ်လို့ ရေးဘီလူးအဖွဲ့ ခေါင်း ဆောင်က တရားဝင် သတင်းထုတ်ပြန် ပြောဆိုထားပါတယ်။ - ကရင်ပြည်နယ်၊ KNU တပ်မဟာ ၅ နယ်မြေမှာ ဒီဇင်ဘာလ ၂၃ ရက်နေ့ကနေ ၂၅ ရက်နေ့အထိ တိုက်ပွဲတွေ ဖြစ်ပွားခဲ့သလို ၊ အဲ့ဒီ့မှာ စစ်ကောင်စီဘက်က ၃ ဦးသေသွားပြီး ၊ ၂ ဦး ဒဏ်ရာရ သွားတယ်လို့ KNU မူတြော် သတင်း စဉ်ကနေ သတင်းထုတ်ပြန်ထားပါတယ်။ - စစ်ကိုင်းတိုင်း၊ စစ်ကိုင်းမြို့ကနေ ဒီဇင်ဘာလ ၂၆ ရက်နေ့ ညပိုင်းက ခိုးကြောင်ခိုးဝှက်ထွက်လာတဲ့ အကြမ်းဖက် စစ်ကောင်စီတပ် စစ်ကြောင်းကို PDF မဟာမိတ်တပ်တွေက မိုင်းဆွဲတိုက်ခိုက်ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
