Khit Thit သတင်းဌာန၏ ဒီဇင်ဘာ ၂၆ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဒီဇင်ဘာ ၂၆ ရက် ညနေပိုင်းတင်ဆက်ပေးမယ့်သတင်းတွေကတော့ - KNU တပ်မဟာ ၆ နယ်မြေမှာ ကော်ဘရာစစ်ကြောင်း စစ်သင်တန်းဆင်းပွဲကို ဒီဇင်ဘာလ ၂၅ ရက်နေ့ မှာ ကျင်းပခဲ့ပြီး အမျိုးသားညီညွတ်ရေးအစိုးရ NUG ရဲ့ ဝန်ကြီးချုပ် မန်းဝင်းခိုင်သန်း တက်ရောက် မိန့်ခွန်းပြောကြားခဲ့တဲ့အပြင် ၊ သေနတ် အလက် ၅၀ ကိုလည်း ပေး အပ်ခဲ့တယ်လို့ NUG ကနေ တရားဝင် သတင်းထုတ်ပြန်ထားပါတယ်။ - စစ်ကိုင်းတိုင်း၊ မုံရွာ မြို့ပေါ်မှာ ကွမ်းထွက်ဝယ်တဲ့ စစ်ကောင်စီလက်အောက်ခံ ရဲ ၇ ဦး လိုက်ပါလာတဲ့ ကား ၁ စီးကို ဒီကနေ့ ဒီဇင်ဘာလ ၂၆ ရက်နေ့ မနက်ပိုင်းက ပြည်သူ့ကာကွယ်ရေး တပ်ဖွဲ့တွေကနေ ပစ်ခတ်တိုက်ခိုက်ရာမှာ စစ်ကောင်စီဘက်က စခန်းမှူး အပါအဝင် ၃ ဦး ပွဲချင်းပြီး သေသွားတယ်လို့ မုံရွာခရိုင်တပ်ရင်း - ၇ Lightning People Defence Force ရဲ့ တာဝန်ရှိသူ တစ်ဦးကပြောပါတယ်။ - စစ်ကိုင်းတိုင်း၊ ချောင်းဦးမြို့နယ်၊ ကံကြီးကုန်း ပျူစောထီးရွာ နဲ့ အမြင့်- ရဲစခန်းကို PDF တပ်ဖွဲ့တွေက ဒီဇင်ဘာလ ၂၅ ရက်နေ့မှာ တပြိုင်တည်း ဝင်ရောက် တိုက်ခိုက်ခဲ့ရာမှာ စစ်ကောင်စီဘက်က ထိခိုက်သေဆုံးမှု များပြားသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
