သာသနာမြေသိမ်းလို့ ပစ္စုပ္ပန်သံသရာနှစ်ဖြာအကျိုး ပျက်စီးမယ့် စစ်ရာဇဝတ်ကောင်မင်းအောင်လှိုင် By ရန်ကုန်ခေတ်သစ် -စစ်ခေါင်းဆောင် သန်းရွှေလက်ထက် ၂၀၀၁ ခုနှစ်က ကာကွယ်ရေးဝန်ကြီးဌာန လုံခြုံရေးအရဆိုပြီး ကမ္ဘာအေး သာသနာမြေ မြေဧက ၇ ဒသမ ၃၀၉ ကို စစ်တပ်က သိမ်းယူခဲ့ပါတယ်။ -အဲဒီထဲမှာ ဆဋ္ဌသံဂါယနာတင် အဆောက်အဦး၊ ပိဋကတ်တိုက်၊ ညောင်ရမ်းစေတီ၊ ကပ်ကျော်စေတီတွေပါ ပါသွားခဲ့ပါတယ်။ - စစ်တပ်က သာသနာပိုင်မြေတွေကို ပြန်မပေးတော့ဘဲ ဂေါက်ကွင်း ၊ ရေတွန်းစက်ဝန်ထမ်း အိမ်ရာတွေ ဆောက်လုပ်ပြီး မြေတွေကို အငှားပြန် ချတာတွေလုပ်ဆောင်ထားပါတယ်။ - စစ်တပ်က သာသနာ့မြေတွေကို ဒီလို ပြန်မပေးဘဲ အလွဲသုံးစားလုပ်နေလို့ ၂၀၁၆ ခုနှစ် NLD အစိုးရလက်ထက်မှာ သာသနာရေးဝန်ကြီး သူရဦးအောင်ကိုက ပြန်တောင်းပါတယ်။ - မြေသိမ်းအသုံးပြုရင် အသုံးပြုတဲ့သူတွေ ပစ္စုပ္ပန်သံသရာနှစ်ဖြာ အ ကျိုး ပျက်စီးစေနိုင်တယ်လို့ နိုင်ငံတော် သံဃမဟာနာယက ဥက္ကဋ္ဌ ဆရာတော်က မင်းအောင်လှိုင်ထံ စာရေးပြီးပြန်တောင်းခဲ့ပါတယ်။ - မင်းအောင်လှိုင်ဟာ ပါးစပ်က ဘုရား၊ ဘုရား လုပ်နေပေမယ့် ဆရာတော် ကိုယ်တိုင် ဖျောင်းဖြ မေတ္တာရပ်ခံနေတာကို နားမဝင်ဘဲ ဘုရားပိုင်မြေတွေ မျက်နှာပြောင်တိုက် သိမ်းယူထားခဲ့ပါတယ်။ -ဆရာတော်တွေစာပို့ပြီး ပြန်တောင်းတာဟာ သာသနာရေးဝန်ကြီး သူရဦးအောင်ကိုလက်ချက်ဆိုပြီး မင်အောင်လှိုင် အကြီးအကျယ် စိတ်ဆိုးခဲ့ကာ မြေတွေကို ပြန်မပေးခဲ့ပါဘူး။ -အဲဒီအညိုးနဲ့ပဲ အာဏာသိမ်းပြီးတဲ့နောက်မှာ သူရဦးအောင်ကိုကို မတရားအမှုဆင်ပြီး ထောင်နှစ်ရှည်ချမှတ်ခဲ့ပါတယ်။ - မင်းအောင်လှိုင်က ဘာသာရေးနဲ့ ဗုဒ္ဓဘာသာကို သူ့အကျိုးစီးပွားအတွက် စည်းရုံးအသုံးချဖို့လောက်ပဲ စိတ်ဝင်စားတဲ့ သူဖြစ်ပြီး ဆရာတော်ကြီးတွေရဲ့စကားတောင်ပယ်ချဝံ့သူဖြစ်ပါတယ်။ - သာသနာမြေသိမ်းတဲ့ မင်းအောင်လှိုင်လုပ်ရပ်ဟာ အယောင်ဆောင် ဗုဒ္ဓဘာသာဝင်၊ "ဘုရား၊ တရား၊ သံဃာ"ကို နားမလည်တဲ့လူမိုက် တစ်ဦးသာဖြစ်တယ် ဆိုတာကို သက်သေပြနေပါတယ်။
