Khit Thit သတင်းဌာန၏ ဒီဇင်ဘာ ၁၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဒီဇင်ဘာ ၁၀ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ - ရှမ်းပြည်နယ်မြောက်ပိုင်းလားရှိုး-ကွမ်းလုံလမ်းမှာ ဒီဇင်ဘာလ ၈ ရက်နေ့က အကြမ်းဖက် စစ်ကောင်စီ တပ် နဲ့ မြန်မာ အမျိုးသား ဒီမိုကရက်တစ် မဟာမိတ်တပ်မတော် (MNDAA) တို့တိုက်ပွဲ ဖြစ်ပွားခဲ့ပြီး ၊ စစ်ကောင်စီဘက်က ၃ ဦးသေသွားတယ်လို့ ကိုးကန့် သတင်းရင်းမြစ် The Kokang က သတင်းထုတ်ပြန် ထားပါတယ်။ - ပဲခူးတိုင်း၊ တောင်ငူခရိုင်၊ ဖြူးမြို့နယ်၊ ကညွတ်ကွင်း- မြို့အခြေစိုက်၊ တောင်ပိုင်းတိုင်း စစ်ဌာနချုပ် လက် အောက်ခံ ၊ ခမရ( ၄၃၉) ခြေမြန်တပ်ရင်း - လုံခြုံရေးဂိတ်ကို ဒီဇင်ဘာလ ၈ ရက်နေ့က ပြည်သူ့ ကာကွယ်ရေးတပ် PDF တပ်ဖွဲ့တွေက ဝင်ရောက်တိုက်ခိုက်ရာမှာ စစ်ကောင်စီဘက်က ၂ ဦးသေပြီး ၊ ၁ ဦး ပြင်းထန် ဒဏ်ရာ ရသွားတယ်လို့ သိရပါတယ်။ -တနင်္သာရီတိုင်း၊ ဘုတ်ပြင်းမြို့နယ်၊ ပြည်ကြီးမဏ္ဍိုင်မြို့မှာရှိတဲ့ ရတနာပုံ(မိုင်း)ရွာကို အကြမ်းဖက် စစ်ကောင်စီတပ်က ရွာလုံးကျွတ် ခြိမ်းခြောက် ရွှေ့ပြောင်းခိုင်းခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
