Khit Thit သတင်းဌာန၏ နိုဝင်ဘာ ၂၆ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၂၆ ရက်နေ့ နေ့လယ်ပိုင်းတင်ဆက်ပေးမယ့် သတင်းတွေကတော့ - အကြမ်းဖက် စစ်ခေါင်းဆောင် အာဏာလု မင်းအောင်လှိုင်က ဒီဇင်ဘာလဆန်းပိုင်းမှာ စစ်တက္ကသိုလ် (DSA) နဲ့ စစ်နည်း ပညာတက္ကသိုလ် (DSTA) ကျောင်းဆင်းပွဲတွေကို လာရောက်မှာဖြစ်တာကြောင့်ဆိုပြီး ၊ ပြင်ဦးလွင်က နေအိမ်တွေ၊ ရပ်ကွက်တွေ ကို အခု နိုဝင်ဘာလအကုန် ဆေးသုတ်၊ ခြံစည်းရိုးခတ် အလှ ဆင်ကြဖို့ ပြင်ဦးလွင်မြို့နယ် စည်ပင်ကနေ အမိန့်ထုတ်ထားတယ်လို့ မြို့သူမြို့သားတွေက ပြောပါတယ်။ - တနင်္သာရီတိုင်း၊ လောင်းလုံးမြို့နယ်၊ ညောပြင်- ရွာမှာ စိတ်ရောဂါ ခံစားနေရသူ ၁ ဦးနဲ့ ပြည်သူ ၁ ဦး ကို အကြမ်းဖက် စစ်ကောင်စီတပ်က နိုဝင်ဘာလ ၂၅ ရက်နေ့မှာ အကြောင်းမဲ့ ဖမ်းဆီး ပစ်သတ်ဖြတ် လိုက်တယ်လို့ ဒေသခံတွေက ရန်ကုန်ခေတ်သစ်ကို ပြောပါတယ်။ - မုံရွာ-မန္တလေး လမ်းပိုင်းမှာ နိုဝင်ဘာလ ၂၅ ရက်နေ့က အကြမ်းဖက် စစ်ကောင်စီတပ်သားတွေ လိုက် လာတဲ့ ကား ၅ စီးကို ပြည်သူ့ကာကွယ်ရေး တပ်ဖွဲ့တွေကနေ ကြားဖြတ် မိုင်းဆွဲတိုက်ခိုက်ရာမှာ စစ်ကောင်စီဘက်က ၇ ဦး သေသွားတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
