Khit Thit သတင်းဌာန၏ နိုဝင်ဘာ ၂၅ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၂၅ ရက်နေ့ နေ့လယ်ပိုင်းတင်ဆက်ပေးမယ့် သတင်းတွေကတော့ - ကရင်အမျိုးသားလွတ်မြောက်ရေးတပ်မတော် KNLA တပ်ရင်း-၂၇ ကော်ဘရာ စစ်ကြောင်း လုံခြုံရေး ယူထားတဲ့ နယ်မြေမှာ နိုဝင်ဘာလ ၂၁ ရက်နေ့ကနေ ၂၄ ရက်နေ့အထိ တိုက်ပွဲ ၄ ရက် ဆက်ဖြစ်ပွားခဲ့ပြီး ၊ စစ်ကောင်စီဘက်က အရာရှိတွေအပါအဝင် ၁၀ ဦးကျော် သေသွားသလို ၊ ကော်ဘရာစစ်သည် သုံးဦး လည်း မြင့်မြတ်စွာ အသက်ပေးလှူ သွားခဲ့တယ်လို့ ကော်ဘရာစစ်ကြောင်းကနေ သတင်းထုတ်ပြန် ထားပါတယ်။ - မွန်ပြည်နယ်၊ရေးမြိုနယ်၊ ကျုံပေါ- ရွာက အကြမ်းဖက် စစ်ကောင်စီရဲ့ ခမရ ၅၈၆ တပ်ရင်းအနီးမှာ နိုဝင်ဘာလ ၂၄ ရက်နေ့ မနက်ပိုင်းက စစ်ကောင်စီတပ်ရဲ့ စစ်ကားကို RGF ရာမည ပြောက်ကျားတပ်ဖွဲ့ ကနေ ကြားဖြတ် မိုင်းဆွဲ ပစ်ခတ် တိုက်ခိုက်ခဲ့တယ်ဆိုပါတယ်။ - မကွေးတိုင်း၊ ဂန့်ဂေါမြို့နယ်မှာ အကြမ်းဖက် စစ်ကောင်စီတပ်က ဒေသခံ ပြည်သူ ကိုခိုင်ဇော်သန်းကို နိုဝင်ဘာလ ၂၄ ရက်နေ့ မနက်ပိုင်းမှာ အကြောင်းမဲ့ ဖမ်းဆီး ပစ်သတ်ခဲ့တဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
