Khit Thit သတင်းဌာန၏ နိုဝင်ဘာ ၂၅ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၂၅ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -မန္တလေးတိုင်း၊ ပြည်ကြီးတံခွန်မြို့နယ်နဲ့ အမရပူရမြို့နယ်တို့မှာ ပျူစောထီးအဖွဲ့ဝင်တွေ ပစ်ခတ်ခံရလို့ သေသွားပါတယ်။ - စစ်ကိုင်းတိုင်း၊ ခင်ဦးမြို့နယ်၊ မုံလှကျေးရွာအနီးတိုက်ပွဲမှာ စစ်တပ်က ရဟတ်ယာဉ်နဲ့ပါ လာရောက်တိုက်ခိုက်ခဲ့ တာကြောင့် PDF ၆ ဦး တိုင်းပြည်အတွက် အသက်စွန့်ခဲ့ရပါတယ်။ - မကွေးတိုင်း၊ ပခုက္ကူမြို့နယ်မှာ ညနေ ၆ နာရီကနေ နံနက် ၈ နာရီအထိ ဆိုင်ကယ် စီးနင်းခွင့်ကို နိုဝင်ဘာလ ၂၄ ရက်နေ့က စတင်ပိတ်ပင်လိုက်တယ်လို့ ပခုက္ကူ မြို့နယ် ထွေ/အုပ်က ကြေညာချက် ထုတ်ပြန်လိုက်ပါတယ်။ - အကြမ်းဖက်စစ်ကောင်စီက အမေရိကန်ဒေါ်လာ လိုအပ်ချက်လျှော့ချရေးအတွက် ပြည်တွင်းကို သွင်း ကုန်တွေ တင်သွင်းခွင့် ပိတ်ပင်မှုတွေ လုပ်ဆောင်နေပေမယ့်လည်း စစ်တပ်ရဲ့ ဒေါက်တိုင် တေဇရဲ့ သား ၂ ဦးကိုတော့ လစဉ် စားအုန်းဆီ တန်ချိန် ၁၅၀၀၀ တင်သွင်းခွင့်ပြုလိုက်တဲ့သတင်းအပါအဝင် နောက်ဆုံးရ သတင်းတွေကို တင်ဆက် ပေးပါမယ်။
