မကွေးနဲ့စစ်ကိုင်းမှာ ရွာလုံးကျွတ် မီးရှို့မှုတွေ စစ်တပ် အရှိန်အဟုန်မြှင့် လုပ်လာ By ရန်ကုန်ခေတ်သစ် -နိုဝင်ဘာ တတိယအပတ်အတွင်း မကွေးနဲ့ စစ်ကိုင်းတိုင်းမှာ စစ်ကောင်စီတပ်တွေက ရွာတွေကို ဆက်တိုက် မီးရှို့နေပါတယ်။ - မကွေးတိုင်း၊ ပေါက်မြို့နယ် ကျွန်းတိုင်ကျေးရွာကို နိုဝင်ဘာ ၂၀ ရက်နေ့ကစပြီး နှစ်ရက်ဆက်တိုက်မီးရှို့ခဲ့ပါတယ်။ -ကျွန်းတိုင်ရွာအနီးက တိုက်ပွဲမှာ စစ်ကောင်စီတပ်တွေ မိုင်းဆွဲတိုက်ခိုက်ခံရလို့ အသေများပြီးနောက် အပြစ်မဲ့ပြည်သူတွေရဲ့ အိုးအိမ်တွေကို မီးရှို့ခဲ့တာပါ။ - နိုဝင်ဘာ ၂၁ ရက်ကလည်း မကွေးတိုင်း၊ မြိုင်မြို့နယ်၊ ဗဟင်းရဲစခန်းအနီးရှိ နေအိမ်တွေနဲ့ ဗဟင်းကျေးရွာကို စစ်တပ်က မီးတင်ရှို့ခဲ့ပါတယ်။ -ဗဟင်းရွာအနီးတဝိုက် တိုက်ပွဲဖြစ်ပွားတာမျိုးမရှိဘဲ စစ်တပ်က ဗဟင်းရဲစခန်းကိုပါ မီးရှို့ပြီး ရဲတပ်ဖွဲ့ဝင်တွေနဲ့ မိသားစုတွေကိုပါ ခေါ်ပြီး စခန်းစွန့်ခွာသွားတာဖြစ်ပါတယ်။ - ပေါက်မြို့နယ်ရှိ စသိန်းရွာကို နိုဝင်ဘာ ၂၂ ရက်နဲ့ ၂၃ ရက်မှာ အကြမ်းဖက်စစ်တပ်က မီးရှို့ဖျက်ဆီး နေတာကြောင့် ရွာလုံးကျွတ် ပြာကျခဲ့ပါတယ်။ - စစ်ကိုင်းတိုင်း ကျွန်းလှမြို့နယ်က အိမ်ခြေ ၂၀၀ ခန့်ရှိတဲ့ ခဝါသည်ရွာကို အကြမ်းဖက်စစ်တပ်က နိုဝင်ဘာ ၂၁ရက်မှာ မီးရှို့ဖျက်ဆီးခဲ့ပါတယ်။ - စစ်ကိုင်းတိုင်း ကန့်ဘလူမြို့နယ် ကျောက်တိုင်ရွာကိုလည်း နိုဝင်ဘာ ၂၂ ရက်က အကြမ်းဖက် စစ်တပ်က မီးတင်ရှို့ လို့ ရွာလုံးကျွတ် ထွက်ပြေးနေရပါတယ်။ -စစ်ကိုင်းဘက်က တန့်ဆည်မြို့နယ်၊ နနွင်းတောရွာနဲ့ ခင်ဦးမြို့နယ်၊ ဖို့ကုန်းကျေးရွာကို နိုဝင်ဘာ ၂၃ ရက်က စစ်တပ်က မီးရှို့ခဲ့တာကြောင့် နေအိမ်ရာနဲ့ချီမီးလောင်ပြာကျခဲ့ပါတယ်။ - အဲဒီလိုစစ်ကောင်စီက အရပ်သားပြည်သူတွေရဲ့ နေအိမ်တွေကို မီးရှို့ဖျက်ဆီးနေတာကြောင့် အပြစ်မဲ့ပြည်သူ သောင်းနဲ့ချီပြီး နေရပ်စွန့်ခွာထွက်ပြေးနေရပါတယ်။
