Khit Thit သတင်းဌာန၏ နိုဝင်ဘာ ၂၄ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၂၄ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -ရန်ကုန်တိုင်း၊ မင်္ဂလာဒုံမြို့နယ်၊ ပျဉ်းမပင်ကျေးရွာအုပ်စုကို တပ်ပိုင်မြေကျူးကျော်တယ်လို့ဆိုပြီး ရပ်ကွက် ၅ ခု၊ အိမ်ခြေ ၁၀၀၀၀ နီးပါးကို စစ်တပ်က အတင်းအကျပ်ရွှေ့ပြောင်းခိုင်းနေရာ စစ်တပ်၊ ရဲနဲ့ ပြည်သူတွေ အကြား ပဋိပက္ခတွေ ဖြစ်ပေါ်စေဖို့ ရည်ရွယ်ချက်ရှိရှိ ဖန်တီးနေတယ်လို့သိရပါတယ်။ - ပဲခူးတိုင်း၊ ရွှေကျင်မြို့ပေါ်က ရပ်ကွက် ၂ ခုနဲ့ ရွာ ၁ ရွာကို အကြမ်းဖက်စစ်တပ်က ဖယ်ရှားခိုင်းနေတယ်လို့ ကေအဲန်ယူ−ကရင်အမျိုးသားအစည်းအရုံးဗဟိုဆီက သိရပါတယ်။ - မကွေးတိုင်း၊ ပေါက်မြို့နယ်၊ စသိန်းကျေးရွာကို မီးရှို့လာတဲ့စစ်ကြောင်းကို နိုဝင်ဘာ၂၃ရက်မနက်ပိုင်းက PDF တပ်တွေက မိုင်းဆွဲတိုက်ခိုက်ရာ စစ်သား ၆ ဦး သေသွားတယ်လို့ မြိုင်မြို့နယ်ပြည်သူ့ကာကွယ်ရေးတပ်ဖွဲ့မှ ခေါင်းဆောင်ဗိုလ်လင်္ကျာကပြောပါတယ်။ - ရန်ကုန်တိုင်း၊ စမ်းချောင်းမြို့နယ်၊ ဗဟိုလမ်း ၊ မြိတ်ကတ်ကြေးကိုက်ဆိုင်မှာ မနေ့က ညပိုင်းက ဂတ်စ်အိုး ပေါက်ကွဲမှုဖြစ်ပြီး စမ်းချောင်းဒေသခံတစ်ဦး ခြေထောက်ပြတ် ဒဏ်ရာအပြင်းအထန်ရရှိကာ အသက်အန္တရာယ် အလွန်စိုးရိမ်ရတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
