Khit Thit သတင်းဌာန၏ နိုဝင်ဘာ ၂၃ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၂၃ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -စစ်ကိုင်းတိုင်းမှ PDF တွေဟာ အသိဉာဏ်မဲ့လူငယ်တွေ ဖြစ်ပြီး ကြံ့ဖွတ်ပါတီဝင်တွေအနေနဲ့ မျက်ရည်ကိုသုတ် ဓားကိုဆုပ် ရှေ့တိုးရင်ဆိုင်ဖို့ ကြံ့ဖွတ် ဥက္ကဋ္ဌ ခင်ရီက ပါတီဝင်တွေကို ပြောခဲ့ပါတယ်။ - မကွေးတိုင်း၊ မြိုင်မြို့နယ်၊ ဗဟင်းရဲစခန်းနှင့်ကျေးရွာကို မီးရှို့ခဲ့တဲ့ စစ်ကြောင်းကို PDF တပ်တွေက ကြားဖြတ် တိုက် ခိုက်ရာ စစ်သားတွေ ထိခိုက်သေဆုံးမှုများပြားခဲ့တယ်လို့ မြိုင်မြို့နယ်၊ ပြည်သူ့ကာကွယ်ရေးတပ်မှ ဗိုလ်လင်္ကျာက ရန်ကုန်ခေတ်သစ်သတင်းဌာနကို ပြောဆိုပါတယ်။ - မြန်မာနိုင်ငံမှာ ဖက်ဒရယ်ဒီမိုကရေစီစနစ် ပေါ်ပေါက်ရေးနဲ့ လက်တွေ့ကူညီနိုင်ရေး ၂၀၂၃ခုနှစ် ဖေဖော်ဝါရီ မှာ ကျယ်ပြန့်တဲ့ တွေ့ဆုံဆွေးနွေးပွဲ ပြုလုပ်မယ်လို့ နော်ဝေပါလီမန် အမတ်တွေ ပြောဆိုကြောင်း NUG က သတင်းထုတ်ပြန်ပါတယ်။ - အကြမ်းဖက်စစ်ကောင်စီက လာမယ့်ဒီဇင်ဘာလ ၁၅ ရက်နေ့မှာ ကျရောက်မယ့် တပ်မတော်(လေ) ၇၅ နှစ်မြောက် စိန်ရတုနှစ်ပတ်လည်နေ့မှာ ရုရှား Su-30 တိုက်လေယာဉ်တွေနဲ့ တရုတ် FTC 2000 G တိုက် လေယာဉ်တွေ ထုတ်ပြ တပ်တော်ဝင်မယ်သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
