Khit Thit သတင်းဌာန၏ နိုဝင်ဘာ ၁၅ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၁၅ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -လူ ၈ ဦးထက်မနည်းသေဆုံးခဲ့တဲ့ အင်းစိန်ထောင် ထောင်ဝင်စာ ပါဆယ်လက်ခံရာနေရာပေါက်ကွဲမှုနဲ့ ပတ်သက်ပြီး ဇနီးမောင်နှံ ၂ ဦးကို ဖမ်းဆီးထားပြီလို့ အကြမ်းဖက်စစ်ကောင်စီက မနေ့ကညပိုင်းမှာ သတင်းထုတ်ပြန်ပါတယ်။ - မြန်မာနိုင်ငံအနှံ့ လူထုတိုက်ပွဲ အရှိန်မြှင့်ကြဖို့အတွက် မန္တလေးသပိတ်ခေါင်းဆောင် ဒေါက်တာတေဇာစန်း ကိုယ်တိုင် ပြည်သူတွေနဲ့အတူ လမ်းမပေါ် ပြန်ထွက်ကာ စစ်အာဏာရှင် ဆန့်ကျင်ရေး မနေ့က ချီတက်သပိတ် မှောက်ပါတယ်။ - ကယားပြည်နယ်၊ လွိုင်ကော်မြို့နယ်က စစ်တပ်ခြေကုပ်စခန်းကို အရပ်ဝတ်နဲ့ ရိက္ခာလာပို့တဲ့ စစ်သားတွေ ပစ်ခတ်တိုက်ခိုက်ခံရပြီး အရာရှိတစ်ဦးအပါအဝင် ၃ ဦးသေသွားတယ်လို့ သိရပါတယ်။ - မွန်ပြည်နယ်၊ မော်လမြိုင်မြို့ပေါ် ၊ ဇေယျာသီရိရပ်ကွက်၊ ဇေယျာ ၃ လမ်းမှာ မနေ့ကညနေပိုင်း ပစ်ခတ်မှုမှာ လူငယ်တချို့ ဖမ်းဆီးခံရပြီး ရဲ ၁ ဦးနဲ့ သတင်းပေးရပ်ကွက် အုပ်ချုပ်ရေးမှူးသား သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
