Khit Thit သတင်းဌာန၏ နိုဝင်ဘာ ၁၇ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၁၇ ရက်နေ့ နေ့လယ်ပိုင်းတင်ဆက်ပေးမယ့် သတင်းတွေကတော့ -နိုင်ငံတကာရဲ့ ပြင်းထန်တဲ့ ဖိအားတွေကို ရှောင်လွဲနိုင်ဖို့အတွက် အကြမ်းဖက်စစ်ကောင်စီကနိုင်ငံတော် ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ စီးပွားရေး အကြံပေး မစ္စတာရှောင်တာနယ် ၊ ဗြိတိန်-သံအမတ်ကြီးဟောင်း ဗစ်ကီဘိုမင်း ၊ ဂျပန်ရုပ်ရှင်ဒါရိုက်တာ မစ္စတာ တိုရူကူဘိုတ နဲ့ အမေရိကန် နိုင်ငံသား ဦးကျော်ဌေးဦးတို့ကို ဒီကနေ့ နိုဝင်ဘာလ ၁၇ ရက်နေ့မှာ ပြန်လွှတ်ပေးလိုက်တယ်လို့ သိရပါတယ်။ - စစ်ကိုင်းတိုင်း၊ ကောလင်းမြို့နယ်၊ တောင်မော်-တိုက်နယ် အတွင်းကို နိုဝင်ဘာလ ၁၆ ရက်နေ့မှာ အကြမ်းဖက် စစ်ကောင်စီတပ်ရဲ့ စစ်ကြောင်း ဝင်ရောက်လာတာကြောင့် ပြည်သူ အယောက် ၄၅၀၀ နီးပါး ထွက်ပြေး တိမ်းရှောင်နေရတယ်လို့ Kawlin Revolution -IR အဖွဲ့ကနေ ရန်ကုန်ခေတ်သစ်ကို ပြောပါတယ်။ - ရန်ကုန်တိုင်း၊ မရမ်းကုန်း ၃ ရပ်ကွက်မှာရှိတဲ့ ကံသာဇေယျုံ လမ်းက အိမ်ခြေ ၁၀၀ ကျော်ကိုကျူးကျော် လို့ပြောပြီး ၃ ရက်အတွင်း ဖယ်ရှားပေးဖို့ အကြမ်းဖက်စစ်ကောင်စီတပ် အပါအဝင် စည်ပင်နဲ့ ထွေအုပ် တွေ က နိုဝင်ဘာ ၁၆ ရက်နေ့မှာ အင်အားပြ လာရောက် ခြိမ်းခြောက်သွားတဲ့သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
