Khit Thit သတင်းဌာန၏ နိုဝင်ဘာ ၁၈ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၁၈ ရက်နေ့ ညနေတင်ဆက်ပေးမယ့် သတင်းတွေကတော့ -စစ်အာဏာသိမ်းမှုကြောင့် ဖြစ်ပေါ်လာတဲ့ မြန်မာ့နိုင်ငံရေး အကျပ်အတည်းမှာ စစ်ကောင်စီတပ်နဲ့ တော်လှန်ရေးအဖွဲ့ နှစ်ဖက်စလုံးက အနိုင်ရမယ်လို့ ယုံကြည်နေကြတဲ့အတွက် စေ့စပ်ဆွေးနွေးလိုခြင်း မရှိဘူးလို့ အာဆီယံ အထူးကိုယ်စားလှယ်ရဲ့ အစီရင်ခံစာမှာ ဖော်ပြထားပါတယ်။ -ကရင်နီပြည်နယ်က သတင်းကို ကြည့်ရအောင်ပါ။ ကရင်နီပြည်နယ်၊ ဒီးမော့ဆိုမြို့နယ်မှာ အကြမ်းဖက် စစ်ကောင်စီရဲ့ ရိက္ခာ/တင်ကားကို ဒီကနေ့ နိုဝင်ဘာလ ၁၈ ရက်နေ့မှာ KRU တပ်ဖွဲ့ကနေ မိုင်းဆွဲတို က်ခိုက်ခဲ့ပြီး ၊ အဲ့ဒီ့မှာ စစ်ကောင်စီဘက်က ၃ ဦးသေသွားတယ်လို့ ကယား (ကရင်နီ) တော်လှန်ရေး တပ်ပေါင်းစု (KRU)အဖွဲ့က ပြောပါတယ်။ - စစ်ကိုင်းတိုင်း၊ ချောင်းဦးမြို့နယ်မှာ နိုဝင်ဘာလ ၁၇ ရက်နေ့က တောပုရွာကနေ မြောက်ဘက်ကို ဆိုင်ကယ်နဲ့ ထွက်လာတဲ့ အကြမ်းဖက် စစ်ကောင်စီလက်အောက်ခံ ပျူစောထီး ၂၅ ဦးကို ပြည်သူ့ကာ ကွယ်ရေး မဟာမိတ်တပ်ဖွဲ့တွေက မိုင်းဆွဲတိုက်ခိုက်ရာမှာ ပျူစောထီး ၅ ဦး သေသွားတဲ့သတင်း အပါအဝင် နောက်ဆုံးရသတင်းတွေကို တင်ဆက်ပေးပါမယ်
