Khit Thit သတင်းဌာန၏ နိုဝင်ဘာ ၂၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၂၁ ရက်နေ့ ညနေပိုင်းတင်ဆက်ပေးမယ့် သတင်းတွေကတော့ - ရန်ကုန်တိုင်း၊ သာကေတမြို့နယ်၊ ၄ တောင် ရပ်ကွက်၊ အောင်မေတ္တာလမ်းမှာရှိတဲ့ ချောရတနာ ကုန်စုံဆိုင်မှာ ဒီကနေ့ နိုဝင်ဘာလ ၂၁ ရက်နေ့ မနက်ပိုင်းက အနုကြမ်းစီးမှု ဖြစ်ပွားခဲ့ပြီး ၊ ဆိုင်ပိုင်ရှင် ဖြစ်သူ အသက် ၆၀ အရွယ် ဒေါ်ချောချော ဆိုသူကို ဓားနဲ့ ထိုးသတ်သွားတယ်လို့ သိရပါတယ်။ - မွန်ပြည်နယ်၊ ကျိုက်မရောမြို့နယ်မှာရှိတဲ့ အကြမ်းဖက် စစ်ကောင်စီရဲ့ တောင်ကလေး ရဲစခန်းကို KNLA နဲ့ PDF ပူးပေါင်းတပ်တွေက ဒီကနေ့ နိုဝင်ဘာလ ၂၁ ရက်နေ့ မနက်ပိုင်းမှာ ဝင်ရောက်တိုက်ခိုက် သိမ်းပိုက် ခဲ့တယ်လို့ သိရပါတယ်။ - စစ်ကိုင်းတိုင်း၊ ခင်ဦးမြို့နယ်က သေနပ်စိန်ကျေးရွာအပါအဝင် အနီးအနားက ရွာ ၄ ရွာကို အကြမ်းဖက် စစ်ကောင်စီတပ်က နိုဝင်ဘာလ ၂၀ ရက်နေ့ ညပိုင်း နဲ့ ဒီကနေ့ မနက်ပိုင်းမှာပါ မီရှို့ ဖျက်ဆီးခဲ့တယ်လို့ ဒေသခံတွေဆီကနေ သိရပါတယ်။ - ရန်ကုန်တိုင်း၊ မင်္ဂလာဒုံမြို့နယ်၊ ပျဉ်းမပင်-ကျေးရွာအုပ်စုကို အကြမ်းဖက်စစ်ကောင်စီတပ်က ကျူး ကျော်လို့ ပြောပြီး ၊ ဖျက်သိမ်းခိုင်းနေတဲ့ ရပ်ကွက် ၅ ခုထဲက အိမ်ခြေ ၁၀၀၀၀ နီးပါးထဲမှာ ဘုန်းကြီး ကျောင်း၊သီလရှင်ကျောင်း နဲ့ သာသနိက အဆောက်အဦး ၆၀ လောက်ကိုပါ စစ်ကောင်စီတပ်က ဖယ်ရှားဖို့ အမိန့်ထုတ်ထားတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
