Khit Thit သတင်းဌာန၏ နိုဝင်ဘာ ၂၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၂၂ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -မင်းအောင်လှိုင် ခေါင်းဆောင်တဲ့ မြန်မာအကြမ်းဖက်စစ်တပ်က မှာယူထားတဲ့ တရုတ်နိုင်ငံလုပ် FTC 2000 G တိုက်လေယာဉ် ၆ စီး နိုဝင်ဘာလ ၂၂ ရက်နေ့ကနေ နိုဝင်ဘာလ ၂၄ ရက်နေ့အထိ နှစ်သုတ်ခွဲပြီး နမ့်စန်လေတပ်စခန်းဌာနချုပ်ကို ရောက်ရှိမှာဖြစ်တယ်လို့ ရန်ကုန်ခေတ်သစ်ရဲ့ သတင်းရင်းမြစ်က ပြောပါတယ်။ - မွန်ပြည်နယ်၊ ကျိုက်မရောမြို့နယ်က တောင်ကလေးရဲစခန်းကို KNLA တပ်ရင်း ၁၆၊ အထူးစစ်ဆင်ရေးတပ်ဖွဲ့- S.O.F၊ ကော်သူးလေအာမီ၊ Saw Dragon Drone Force နဲ့ ARMS ဒရုန်းအဖွဲ့ မဟာမိတ်ပူးပေါင်းတပ်တွေက မနေ့က မနက်ပိုင်းက တိုက်ခိုက်သိမ်းပိုက်လိုက်ပါတယ်။ - မြန်မာ့လူ့အခွင့်အရေးဆိုင်ရာ ကုလသမဂ္ဂအထူးကိုယ်စားလှယ် Tom Andrews ဟာ အမျိုးသားညီညွတ်ရေး အစိုးရ (NUG) ရဲ့ တောင်ကိုရီးယားနိုင်ငံဆိုင်ရာကိုယ်စားလှယ် ဦးရန်နိုင်ထွန်းနဲ့ လာရောက်တွေ့ဆုံဆွေးနွေး ခဲ့တယ်လို့ သိရပါတယ်။ - မကွေးတိုင်း၊ မြိုင်မြို့နယ်၊ ဗဟင်းရဲစခန်းအနီးကနေအိမ်တွေနဲ့ ဗဟင်းကျေးရွာကို စစ်တပ်က မနေ့က မီးတင်ရှို့ခဲ့တဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
