Khit Thit သတင်းဌာန၏ ဇူလိုင် ၄ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၄ ရက် ညနေပိုင်းတင်ဆက်ပေးမယ့်သတင်းတွေကတော့ -ဧရာဝတီတိုင်း၊ မအူပင်တံတားဂိတ်မှာ အကြမ်းဖက် စစ်ကောင်စီတပ်က အရာရှိစစ်သား နဲ့ အောက်ခြေ စစ်သားတို့ ၂ ဦး အချင်းချင်း ပစ်ခတ်မှုဖြစ်ပြီး ၂ ဦးလုံး သေသွားတယ်လို့ဒေသခံ ပြည်သူတွေက ရန်ကုန် ခေတ်သစ် ကိုပြောပါတယ်။ - မကွေးတိုင်း၊ ရေစကြိုမြို့က အကြမ်းဖက် စစ်ကော်စီရဲ့ ခလရ ၂၅၆ တပ်အတွင်းမှာ တပ်မမှူးကနေ အစည်းဝေးလုပ်ဖို့ ပြင်ဆင်နေတဲ့အချိန် ပြည်သူ့ကာကွယ်ရေးတပ်ဖွဲ့တွေကနေ ဒရုန်း နဲ့ ဗုံးကျဲ တိုက်ခိုက်မှုအပြင် ၊ လက်နက်ကြီးနဲ့ပါ ပစ်ခတ်တိုက်ခိုက်ခဲ့တယ်လို့ ရေစကြို PDF ရဲ့ တာဝန်ရှိသူ တစ်ဦးက ရန်ကုန် ခေတ်သစ်ကို ပြောပါတယ်။ -စစ်ကိုင်းတိုင်း၊ မုံရွာမြို့ကနေ ထွက်လာတဲ့ စစ်တပ် ရေယာဥ်ကို ပြည်သူ့ကာကွယ်ရေးတပ်ဖွဲ့တွေကနေ ပစ်ခတ်တိုက်ခိုက်မှုအတွင် စစ်တပ်ရေယာဉ် အင်ဂျင် ထိမှန်ပျက်စီးသွားပြီး အကြမ်းဖက် စစ်ကောင်စီ ဘက်က ထိခိုက်သေဆုံးမှုတွေရှိသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
