“ရပ်ကျေးအဆင့်မြို့နယ်အဆင့်မှာ ဖြစ်တဲ့ ပြဿနာတွေကို အချိန်နဲ့တပြေးညီ ဖြေရှင်းနိုင်ဖို့ကြတော့ ပြည်ထောင်စုကို တင်ပြပြီးလုပ်နေရတာကြတော့ အများကြီးနှောင့်နှေးနေတာကြုံရပါတယ်။ ဒါကြောင့် တော်လှန်ရေးကာလမှာ တော်လှန်ရေးခါးမပြတ်စေဖို့ ကြားအလွှာတစ်လွှာ ဖော်ဆောင်မယ်ဆိုရင် တော်လှန်ရေးအရွေ့ ကို ပိုမြန်ဆန်စေပါတယ်။” စစ်ကိုင်းဖိုရမ် ပြောရေးဆိုခွင့်ရှိသူ ကိုစိုးဝင်းဆွေ နှင့်တွေ့ဆုံမေးမြန်းခြင်း စစ်ခွေးသင်္ချိုင်းစစ်ကိုင်းတိုင်းလို့ ကြွေးကြော်ပြီး အကြမ်းဖက်မင်းအောင်လှိုင်ဦးဆောင်တဲ့ စစ်တပ်ကို တော်လှန်နေတဲ့ စစ်ကိုင်းတိုင်းမှာ တော်လှန်ရေးအဖွဲ့ ၁၇၃ဖွဲ့ပါဝင်တဲ့ စစ်ကိုင်းဖိုရမ်ကို နှစ်ရက်ကြာပြု လုပ်ခဲ့ပါတယ်။ တော်လှန်ရေးအားကောင်းတဲ့ ဒေသမှာ ပြုလုပ်တဲ့ ဖိုရမ်ဖြစ်လို့ အားလုံးရဲ့စိတ်ဝင်စားမှုတွေ လည်းခံရပြီး NUG အစိုးရနဲ့ တိုင်းရင်းသားလက်နက်ကိုင်အဖွဲ့တွေကပါ အဲဒီဖိုရမ်ကို သဝဏ်လွှာပေး အသီးသီးပေးပို့ကြတဲ့အထိ စိတ်ဝင်စားမှုရှိခဲ့ကြပါတယ်။ အဲဒီဖိုရမ်မှာ ဘာတွေဆွေးနွေးခဲ့ကြလဲ။ဖိုရမ်ကနေ ဘယ်လိုနိုင်ငံရေးအစုအဖွဲ့တွေ ဖြစ်လာနိုင်မလဲစတဲ့အကြောင်းအရာတွေ သိရအောင် စစ်ကိုင်းဖိုရမ်ရဲ့ ပြောရေးဆိုခွင့်ရှိသူ ကိုစိုးဝင်းဆွေကို ဆက်သွယ်မေးမြန်းထားပါတယ်။