Khit Thit သတင်းဌာန၏ ဖေဖော်ဝါရီ ၂၇ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဖေဖော်ဝါရီ ၂၇ ရက် ညနေပိုင်းတင်ဆက်ပေးမယ့်သတင်းတွေကတော့ - မြန်မာနိုင်ငံ ဧရိယာရဲ့ ထက်ဝက်ကျော်ကို တိုင်းရင်းသားတော်လှန်ရေး တပ်ဖွဲ့တွေဖြစ်တဲ့ (ERO) တွေ နဲ့ ပြည်သူ့ကာကွယ်ရေးတပ်ဖွဲ့ (PDF) တွေကနေ စိုးမိုးထားနိုင်ပြီဖြစ်သလို ၊ မြို့နယ် ၁၅၄ ခုမှာ အုပ်ချုပ် ရေးအဖွဲ့တွေကို ဖွဲ့စည်းထားတယ်လို့ အမျိုးသား ညီညွတ် ရေး အစိုးရ (NUG) ယာယီသမ္မတ ဒူဝါလရှီးလ က ပြောသည်။ - ရက္ခိုင့်တပ်တော် AA နဲ့ အကြမ်းဖက်စစ်ကောင်စီတပ်ကြား ယာယီအပစ်အခတ်ရပ်ထားတဲ့အတွက် သေ နတ်သံတိတ်နေပေမယ့် အာမခံချက်ရှိတဲ့ အနေအထားမှာမရှိဘဲ တိုက်ပွဲအချိန်မရွေး ပြန်လည် ဖြစ်ပွား နိုင်တယ်လို့ ရက္ခိုင့်တပ်တော် AA ပြော ခွင့်ရ ခိုင်သုခက ဒီကနေ့ ဖေဖော်ဝါရီလ ၂၇ ရက်နေ့မှာ ပြုလုပ်တဲ့ သတင်းစာရှင်းလင်းပွဲမှာ ပြောလိုက်ပါတယ်။ - စစ်ကိုင်းတိုင်း၊ မြင်းမူမြို့နယ်မှာ အကြမ်းဖက် စစ်ကောင်စီတပ်နဲ့ PDF မဟာမိတ်တပ်ပေါင်းစုတွေ ကြား ဖေဖော်ဝါရီလ ၂၆ ရက်နေ့က တိုက်ပွဲပြင်းထန်ခဲ့ရာမှာ စစ်ကောင်စီဘက်က ၁၇ ဦး သေပြီး ၊ PDF ရဲဘော်၂ ဦး လည်း မြင့်မြတ်စွာ အသက်ပေးလှူသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
