Khit Thit သတင်းဌာန၏ ဖေဖော်ဝါရီ ၂၄ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ဖေဖော်ဝါရီ ၂၄ ရက် ညနေပိုင်းတင်ဆက်ပေးမယ့်သတင်းတွေကတော့ - ဥရောပသမဂ္ဂ အီးယူကနေ စစ်ကောင်စီနဲ့ ပါဝင်ပတ်သတ် ဆက်နွယ်နေတဲ့ လူပုဂ္ဂိုလ် ကိုးဦး အပါအဝင် အဖွဲ့အစည်း ခုနစ်ခုတို့ အပေါ် ဒဏ်ခတ်ပတ်ဆို့မှု အသစ် တွေ ထပ်မံ ချမှတ်အရေးယူလိုက်တဲ့အပေါ် NuG အစိုးရရဲ့ ယာယီသမ္မတ ဒူဝါလရှီးလ နဲ့ လူ့အခွင့် အရေးဆိုင်ရာ တက်ကြွလှုပ်ရှားသူများ အဖွဲ့ဖြစ်တဲ့ Justice For Myanmar ကနေ ထောက်ခံ ကြိုဆိုလိုက်တယ်လို့ သိရပါတယ်။ - ရန်ကုန်တိုင်း၊ ဒဂုံမြို့သစ်ဆိပ်ကမ်းမြို့နယ်၊ ယုဇနဥယျာဉ်မြို့တော်အိမ်ရာမှာ အမှတ် ၉၄ ရပ်ကွက် အုပ်ချုပ်ရေးမှူးရုံး ပစ်ခတ်ခံရပြီး နောက် ရပ်ကွက်စျေး ကို စစ်ကောင်စီတပ်နဲ့ လူမိုက်တွေက ဒီကနေ့ ဖေဖော်ဝါရီလ ၂၄ ရက်နေ့မှာလည်း တတိယ နေ့ အဖြစ် ထပ်မံ ဖျက်ဆီး နေတယ်လို့ ဒေသခံ ပြည်သူတွေက ပြောပါတယ်။ -မန္တလေးတိုင်း၊ ကျောက်ဆည်မြို့နယ်၊ ကျောက်ဆည်အကျဉ်းထောင်မှာ ဒီကနေ့ ဖေဖော်ဝါရီလ ၂၄ ရက်နေ့ မနက်ပိုင်းက ပစ်ခတ် မှုဖြစ်ပွားပြီးတော့ အကျဉ်းထောင်အတွင်း နာရေးကားတွေ ဝင်ထွက်မှုရှိနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
