ကသာမှာ စစ်ရေး ပစ်မှတ်မဟုတ်သော ပြည်သူ ၇ ဦး သေဆုံးစေခဲ့သည့် မိုးတားလေးကျေးရွာ အလှူအိမ်ကို တိုက်လေယာဉ်ဖြင့် ဗုံးကျဲချမှု စစ်ရာဇဝတ်မှုမြောက် By ရန်ကုန်ခတ်သစ် -စစ်ကိုင်းတိုင်း ကသာမြို့နယ် မိုးတာကျေးရွာကို လေယာဉ်နဲ့ ဗုံးကျဲတိုက်ခိုက်လို့ ပြည်သူ ၇ ဦး သေဆုံးမှုဟာ စစ်တပ်က စစ်ရာဇဝတ်မှု ကျူးလွန်လိုက်တာဖြစ်ပါတယ်။ -ဇန်နဝါရီ ၁၈ ရက်နေ့က ရွာထဲမှာ အလှူရှိလို့ ပြည်သူတွေစုရုံးနေတဲ့ အချိန် စစ်ကောင်စီက တိုက်လေယာဉ်နဲ့ ဗုံးကျဲချလိုက်တာဖြစ်ပါတယ်။ -ဒီလိုကျဲချမှုကြောင့် ပြည်သူ ၇ ဦးသေဆုံးတဲ့အပြင် ပြည်သူ ၈ ဦးကတော့ ဒဏ်ရာ အပြင်းအထန်ရရှိခဲ့ပါတယ်။ -တိုက်ပွဲဖြစ်တဲ့ နေရာနဲ့မိုးတားလေးရွာဟာ အလှမ်းဝေးတော့ အရပ်သားပြည်သူတွေနေတဲ့ရွာ ဗုံးကျဲမယ်လို့ မထင်ကြကြောင်း ရွာခံတွေကပြောပါတယ်။ -မိုးတားလေးကျေးရွာကို ဗုံးလာကျဲချသွားတာကတော့ မြစ်ကြီးနားလေတပ်က တိုက်လေယာဉ် ၂ စီးဖြစ်ပါတယ်။ စစ်တပ်အနေနဲ့ စစ်ရေးပစ်မှတ်မဟုတ်တဲ့ မိုးတားလေးကျေးရွာကို ဗုံးကျဲချတာဖြစ်လို့ တစ်ချိန်မှာ ဒီပြစ်မှုအတွက် တရားမျှတမှု ရယူဖို့ ပြန်လည် ပေးဆပ်ရမယ်လို့ ဒေသခံ PDF တွေက ပြောပါတယ်။
