Khit Thit သတင်းဌာန၏ ဇန်နဝါရီ ၂၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇန်နဝါရီ ၂၁ ရက် မနက်ပိုင်းတင်ဆက်ပေးမယ့်သတင်းတွေကတော့ -ကရင်နီပြည်နယ် ဘောလခဲမြို့နယ်၊ မယ်စလောင်း တောင်ကုန်းမှာရှိတဲ့ အကြမ်းဖက် စစ်ကောင်စီ တပ်စခန်းကို ဇန်နဝါရီလ ၂၀ ရက်နေ့က ကရင်နီ တပ်ပေါင်းစုကနေ သိမ်းပိုက်လိုက်ပြီဖြစ်တယ်လို့ KNDF ကနေ တရားဝင် သတင်းထုတ်ပြန်ထားပါတယ်။ - ကချင်ပြည်နယ်၊ မြစ်ကြီးနားမြို့နယ်မှာရှိတဲ့ အကြမ်းဖက် စစ်ကောင်စီရဲ့ အမှတ် ၂၁ ခြေလျင် တပ်ရင်း ကို ဇန်နဝါရီလ ၂၁ ရက်နေ့ မနက်ပိုင်းက ၄၀ မမ ဗုံးသီး ၁၀ လုံးနဲ့ ပစ်ခတ် တိုက်ခိုက်ခံရတယ် လို့ မြောက်ပိုင်း တိုင်းစစ်ဌာနချုပ် နဲ့ နီးစပ်တဲ့ သတင်းရင်းမြစ်က ပြောပါတယ်။ - စစ်ကိုင်းတိုင်း၊ မြောင်မြို့နယ်၊ ကျောက်ရစ်ရဲစခန်းက အကြမ်းဖက် စစ်ကောင်စီဘက်က စစ်ဗိုလ် မိန်းမ မီးဖွားဖို့ ပို့ဆောင်ပြီး ပြန်လာတဲ့ စစ်ကြောင်းကို PDF တပ်ဖွဲ့တွေက ဇန်နဝါရီလ ၂၀ ရက်နေ့မှာ ပစ်ခတ် တိုက်ခိုက်ခဲ့ပြီး ၊ စစ်ကောင်စီတပ်သား ၁ ဦးသေတဲ့အပြင် အများအပြားဒဏ်ရာရသွားတဲ့ သတင်း အပါအဝင် နောက်ဆုံးရသတင်းတွေကို တင်ဆက်ပေးပါမယ်။
