ကလေးငယ် ၅ သန်းခွဲကျော် အရေးပေါ်အကူအညီ လိုနေ By ရန်ကုန်ခေတ်သစ် -မြန်မာနိုင်ငံက ကလေးငယ် ၅ ဒသမ ၆ သန်းကျော် အရေးပေါ်အကူအညီတွေ လိုအပ်နေတယ်လို့ UNICEF က ထုတ်ပြန်လိုက်ပါတယ်။ -ပြည်တွင်း လက်နက်ကိုင်ပဋိပက္ခတွေနဲ့ အကြမ်းဖက်မှုတွေ အရှိန်မြင့်နေပြီး ကလေးငယ် ၅ ဒသမ ၆ သန်းအပါအဝင် လူဦးရေ ၁၇ ဒသမ ၆ သန်းဟာ လူသားချင်းစာနာထောက်ထားမှု အကူအညီတွေ လိုအပ်နေတယ်လို့ UNICEF က ဖော်ပြထားပါတယ်။ -UNICEF ရဲ့ ဖော်ပြချက်အရ လူသားချင်းစာနာမှုအကူအညီ လိုအပ်နေတဲ့ ၁၇ ဒသမ ၆ သန်းအနက် ၂ ဒသမ ၈ သန်းဆီကိုသာ ထောက်ပံ့ကူညီမှုတွေ ရောက်နိုင်တယ်လို့ ဆိုထားပါတယ်။ -ကလေးငယ် ၅ ဒသမ ၆ သန်းမှာလည်း ၁ ဒသမ ၉ သန်းဆီကိုသာ အကူအညီတွေ ရောက်နိုင်တယ်လို့ ဖော်ပြထားပါတယ်။ UNICEF အနေနဲ့ ဒီကလေးငယ်တွေအတွက် ဘက်စုံလိုအပ်တဲ့ ထောက်ပံ့ကူညီမှုတွေ ပေးနိုင်ဖို့ အမေရိကန် ဒေါ်လာ ၁၆၉ ဒသမ ၆ သန်း လိုအပ်တယ်လို့လည်း ဆိုပါတယ်။
