နိုဝင်ဘာလအတွင်း စစ်တပ်က နေအိမ်နဲ့ အဆောက်အဦပေါင်း ၅,၀၀၀ နီးပါး မီးရှို့ဖျက်ဆီး၊ ပြည်သူ ၂၄ ဦး မီးရှို့သတ်ဖြတ်ခံရ By ရန်ကုန်ခေတ်သစ် အမျိုးသားညီညွတ်ရေးအစိုးရရဲ့ ထုတ်ပြန်ချက်တွေအရ နိုင်ငံတစ်ဝန်းက စာသင်ကျောင်းနဲ့ ဘာသာရေး အဆောက် အဦတွေ အပါအဝင် နေအိမ် ၄,၈၁၂ လုံးကို နိုဝင်ဘာလ အတွင်းမှာ အကြမ်းဖက်စစ်ကောင်စီက မီးရှို့ဖျက်ဆီးခဲ့တယ်လို့ သိရပါတယ်။ စစ်ကိုင်းတိုင်းက ၃,၃၂၀ လုံး ၊မကွေးတိုင်းက နေအိမ် ၁,၁၃၄လုံး ၊မန္တလေးတိုင်းက နေအိမ်၂၈၅လုံး ပဲခူးတိုင်း မှာတော့ ၂၂ လုံး၊ ရခိုင်ပြည်နယ်မှာ ၁၇ လုံး၊ကရင်ပြည်နယ်မှာ ၁၂ လုံး ၊ချင်းပြည်နယ်မှာ ၁၂ လုံး၊ တနင်္သာရီတိုင်းမှာ ၈ လုံး၊ ကချင်ပြည်နယ်မှာ ၂ လုံး စုစုပေါင်း နေအိမ် ၄,၈၁၂ လုံးကို စစ်တပ်က မီးရှို့ဖျက်ဆီးခဲ့ပါတယ်။ ဒါအပြင် စစ်ကိုင်းတိုင်းမှာ မီးရှို့သတ်ဖြတ်ခံရသူ ၁၃ ဦး၊ ချင်းပြည်နယ်မှာ ၉ ဦးနဲ့ မကွေးတိုင်းမှာ ၂ ဦး စုစုပေါင်း ပြည်သူ ၂၄ ဦးလည်း မီးရှို့သတ်ဖြတ်ခံခဲ့ရတာကို တွေ့ရပါတယ် ။ မြေပြင်မှာ စစ်ကောင်စီရဲ့ အကြမ်းဖက်မှု တွေဟာ အခုထက် ပိုမိုများပြားနိုင်တယ်လို့လည်း ဖော်ပြထားပါတယ်။
